સ્વાગત !!!!

સ્વાગત !!!!

આંખો ફેલાવી ને બેઠો છું સમેટવા તમને,

હુંજ જાણું છું આ સ્વાગત નો મહિમા,

પૂછો આ ધરતીને વાટ કેમ જોવાય સૂરજની,

ધરા જ જાણે છે આ પથરાવના આભિનંદન નો મહિમા,

ખેલ છે બધો આ પ્રારબ્ધ અને પુરુષાર્થ નો,

ખાલી હથેળીઓ જ જાણે સ્પર્શના સન્માન નો મહિમા,

તમે મારી યાદો માં આવો કે હું તમારા સ્વપ્નમાં,

શુષ્ક લાગણીઓ જ જાણે આ સાક્ષાત્કારના આવકાર નો મહિમા,

મીઠી નદીઓના નીર દોડે ખારા સમુંદર તરફ,

અફાટ ખારાશ જ જાણે આ અમૃતના આગમન નો મહિમા,

જીવ્યા ઘણું મળ્યા ને નહીં મળ્યાના ઇન્તજાર માં,

ખાલી પડેલી ડગર જ જાણે આ પગરવના સત્કાર નો મહિમા,

મળી આવ્યા છો તમે એક મસીહા સમા આ જન્મે,

અહીં યજમાન જ જાણે છે આગતાસ્વાગતા નો મહિમા,

- પ્રણવ જોશી (૦૯-૦૨-૨૦૧૯)